پٹرولیم مصنوعات کی قیمتوں میں اضافہ، پٹرول 63 روپے فی لیٹر مہنگا

اسلام آباد(نیوز ڈیسک) ملک میں حالیہ کشیدہ خطے کی صورتحال اور عالمی مارکیٹ میں بڑھتی قیمتوں کے اثرات کے باعث پیٹرولیم مصنوعات کی قیمتوں میں ریکارڈ اضافہ ہوا ہے۔

ایک ماہ کے دوران مٹی کے تیل کی قیمت میں 252 روپے 87 پیسے فی لیٹر، پیٹرول کی قیمت میں 63 روپے فی لیٹر، اور ہائی اسپیڈ ڈیزل کی قیمت میں 60 روپے 16 پیسے فی لیٹر اضافہ دیکھنے میں آیا ہے۔

28 فروری 2026 کو پیٹرول کی قیمت 258 روپے 17 پیسے فی لیٹر تھی، جو اب 321 روپے 17 پیسے فی لیٹر تک پہنچ گئی ہے  اسی طرح ہائی اسپیڈ ڈیزل کی قیمت 28 فروری تک 275 روپے 70 پیسے تھی، جو اب 335 روپے 86 پیسے ہو گئی ہے جبکہ مٹی کے تیل کی قیمت اس دوران 180 روپے 53 پیسے سے بڑھ کر 433 روپے 40 پیسے فی لیٹر مقرر کی گئی ہے۔