کل سے بارشیں شروع

ملک میں بارش برسانے والا ایک اور سسٹم انٹری دینے کو تیار ہے، اسلام آباد، لاہور، پشاور، کوئٹہ میں اربن فلڈنگ کا خدشہ ہے، 12 اور 13 مارچ کو پنجاب کے کئی اضلاع میں برسات کا امکان ہے، اتوار کو بالائی خیبرپختونخوا، کشمیر اورگلگت بلتستان میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کی پیشگوئی کر دی گئی۔

محکمہ موسمیات کے مطابق آئندہ ہفتے میں بارشوں، ژالہ باری اور برفباری کا امکان ہے، مغربی ہواؤں کا نیا سلسلہ 9 مارچ سے ملک میں داخل ہوگا، 16مارچ تک بارشیں جاری رہنے کی پیشگوئی ہے۔

بلوچستان، پنجاب، خیبر پختونخوا، سندھ میں بھی بارشوں کی توقع ہے، کشمیر اور گلگت بلتستان میں گرج چمک کے ساتھ بارشوں کا امکان ہے۔