تحریک انصاف کے لئے افسوسناک خبر: سانحہ 9 مئی میں جیل میں قید رہنے والی نامور شخصیت انتقال کر گئی

لاہور(نیوز ڈیسک) پاکستان تحریکِ انصاف (پی ٹی آئی) کی سرگرم کارکن ارم اکمل، جو 9 مئی کے واقعات کے بعد کئی ماہ تک کوٹ لکھپت جیل میں قید رہیں، آج طویل علالت کے بعد انتقال کر گئیں۔

خاندانی ذرائع کے مطابق، متوفیہ کچھ عرصے سے بیمار تھیں اور علاج کے دوران آج ان کا انتقال ہو گیا۔ ان کی وفات کی خبر پر پی ٹی آئی کارکنان سمیت مختلف سیاسی و سماجی حلقے گہرے دکھ اور تعزیت کا اظہار کر رہے ہیں۔ واضح رہے کہ متوفیہ کو 9 مئی کے واقعات کے بعد گرفتار کیا گیا تھا اور وہ کئی ماہ تک کوٹ لکھپت جیل میں قید رہی تھیں۔