وہی ہوا جس کا ڈر تھا!!! ایرانی حملوں کے جواب میں سعودی عرب نے ایران کے 2 فوجی۔۔۔

اسلام آباد (نیوز ڈیسک) سعودی عرب نے ایران کے 2 فوجی اتاشیوں اور ان کے عملے کے مزید 3 ارکان کو ناپسندیدہ شخصیات قرار دیتے ہوئے 24 گھنٹوں کے اندر ملک چھوڑنے کا حکم دے دیا ہے۔

غیرملکی میڈیا رپورٹس کے مطابق سعودی حکومت نے اس اقدام کی وجہ ایران کی جانب سے مبینہ طور پر سعودی عرب، خلیج تعاون کونسل (جی سی سی) اور دیگر عرب و اسلامی ممالک کو بار بار نشانہ بنانا قرار دیا ہے۔

سعودی حکام کا کہنا ہے کہ ایران نے نہ صرف سعودی خودمختاری بلکہ سویلین انفرااسٹرکچر، معاشی مفادات اور سفارتی تنصیبات کو بھی نشانہ بنایا، جو اچھی ہمسائیگی کے اصولوں کے خلاف ہے۔حکام نے خبردار کیا ہے کہ اگر یہ جارحانہ طرزِ عمل جاری رہا تو دونوں ممالک کے تعلقات پر سنگین اثرات مرتب ہوں گے۔